FAMILIAS EXPERTAS NA BIBLIOTECA: A SUBASTA DO PEIXE.

O pasado venres a comunidade de medianos/as acudiu á biblioteca para escoitar a unha familia experta en... peixes e subasta de peixe! Tivemos a inmensa sorte de contar cunha administrativa e un poxador da lonxa de Ribeira que nos ensinaron fotos de peixes, vídeos sementando ameixas, contáronnos o seu día a día e mesmo fixemos unha poxa. Pero o mellor aínda está por vir: o xoves 18 acudiremos á lonxa de Ribeira coñecer de primeira man unha subasta de peixe e a lonxa de Ribeira, unha das máis importantes de Europa. Xa vos contaremos! Moitas grazas Eva e Tomás por esta exposición tan interesante!