Os chuchameles son sabores da infancia, dos que non se saben se gustaban ou non, pero era un xogo dos camiños e das leiras. O amarelo segue pintando os lenzos das nosa paisaxes, das nosas escritoras na obra de Historia da literatura de Francisco Fernández del Riego.
MARÍA DO CARME KRUCKENBERG
A bravura da mar
envolve a túa cintura
con brétemas translucidas
de encaixe de bolillos.
Os amigos navegan
por costas invencibres
da túa xeografía.
A mitade do barco
se engalana de vento
e de brancas gaivotas,
mentres pola noite cantan
os poetas, o faro que os guía.
A Coruña soña ca beleza
intanxíbel, do primeiro amencer
que lle regala a vida.
XOHANA TORRES
PENÉLOPE
DECLARA o oráculo:
“QUE á banda do solpor é mar de mortos,
incerta, última luz, non terás medo.
QUE ramos de loureiro erguen rapazas.
QUE cor malva se decide o acio.
QUE acades disas patrias a vindima.
QUE amaine o vento, beberás o viño.
QUE sereas sen voz a vela embaten.
QUE un sumario de xerfa polos cons.”
Así falou Penélope:
“Existe a maxia e pode ser de todos.
¿A que tanto novelo e tanta historia?
