luns, 6 de febreiro de 2023

SÓ SE VE BEN CO CORAZÓN, O ESENCIAL É INVISIBLE PARA OS OLLOS.

Iso dicía o Principiño! Se queredes descubrir ou redescubrir esta coñecida obra literaria só tedes que entrar na biblioteca e xusto ao lado da porta atoparedes unha fermosa colección relacionada con esta obra.








 ARTE NA BIBLIO.

A biblioteca segue engalanando as súas paredes con máis arte, neste caso con dúas obras de Manuel Ayaso e unha ilustración de Adriana Pardo, artista habitante que conviviu con nós na escola hai uns anos. Gústanvos?








NOVIDADES DO MES DE XANEIRO.

O expositor e a caixa de novidades volven estar ateigados de novos libros. Aquí vos deixamos algúns!



BIBLIOTECA NO RECREO! 

A biblioteca abre nos recreos, en horario de 11:30 a 12:00, xestionada por dous alumnos/as da comunidade de maiores. Xogar ao xadrez, ler, debuxar, organizar os clubs de lectura... cadaquén decide!


  



   




 CLUB DE LECTURA: A FOLLA AZUL.

No club de lectura están lendo a obra "A folla azul", escrita por Andrea Maceiras e ilustrada por Sonia García. 

Nesta obra, nárrase a historia de Husu Aké, membro dunha tribo indíxena da Amazonia. Este curso o proxecto da escola fía natureza e literatura polo que non podiamos deixar de escoller un libro cun claro protagonismo natural. De momento estalles gustando moito e axudándolles a entender a importancia dos recursos naturais e do coidado da diversidade natural e cultural.





sábado, 14 de xaneiro de 2023

COMADRE: PALABRA DO ANO 2022.

Finalmente, a palabra máis votada no Portal das Palabras foi "comadre". O Dicionario da Real Academia Galega define esta palabra como a madriña ou nai dunha persoa con relación ao padriño, á madriña ou aos pais destas persoa. Pero na fala popular "comadre" tamén é esa veciña ou amiga na que se ten especial confianza. Vivan as comadres!
CLUB DE LECTURA "MEDIO PAN".

O luns 16 de xaneiro comeza o primeiro club de lectura deste curso, chamado "Medio pan".
O nome fai refencia ao discurso que Federico García Lorca pronunciou en 1931 cando inaugurou a biblioteca da súa aldea natal, Fuente Vaqueros, en Granada. Foi a primeira biblioteca da provincia. Nel puídose escoitar: 

"Eu, se tivese fame e estivese desvalido na rúa, non pediría un pan, senón que pediría medio pan e un libro (...). Ben está que todos os homes coman, pero que todos os homes saiban".

                                                    

Aquí podedes atopar o discurso completo de Lorca, unha xoia da defensa da lectura e das bibliotecas:

E aquí unha fermosa homenaxe de 3 minutos que a serie "El Ministerio del Tiempo" fixo á súa figura:

O autocolante que anuncia o club de lectura é unha obra da ilustradora Květa Pacovská e a cita de Italo Calvino. Correndiño o teredes nas vosas casas!






 

AYASO NA BIBLIOTECA.

O curso pasado, o artista aguiñense Manuel Ayaso visitou a escola para compartir con nós a súa traxectoria vital e artística. 87 anos de historia coa que quedamos fascinadas. Ademais debuxou tres obras en directo que xa atoparon o seu lugar na biblio. Agora só queda gozar delas!


Estas son algunhas das imaxes da súa visita así como unha nova da prensa que se fixo eco desta visita:

https://www.lavozdegalicia.es/noticia/barbanza/2022/06/11/clase-magistral-arte-colegio-heroinas-salvora/0003_202206B11C10992.htm

   
 
   

                                  


Para máis información sobre Manuel Ayaso, podes consultar esta ligazón: