OBRADOIRO LINGÜÍSTICO

O alumnado do obradoiro lingüístico subiu ao escenario para deleitarnos coa representación de dúas obras moi especiais: "Un café desastroso" e "O aparato de Ainara".

Ambas pezas foron dirixidas pola nosa coordinadora de biblioteca, que guiou aos nosos pequenos actores e actrices neste reto creativo. Foi marabilloso ver como traballaron a expresión oral, a memorización e, sobre todo, o compañeirismo durante todo o proceso de ensaios.

Aquí podedes ver algúns dos momentos máis divertidos e emocionantes das actuacións. Mirade que ben o fixeron!

Parabéns a todo o elenco polo seu esforzo e por facernos gozar tanto destas historias. Seguiremos apostando pola lectura e a dramaturxia como ferramentas para aprender e soñar xuntas e xuntos.

Grazas a todas e todos os que fixestes posible esta función!

ARTE E LENDAS NA NOSA BIBLIOTECA

 

"O noso alumnado viviu hoxe unha experiencia única. A contadora de historias Sole Felloza visitou o noso centro para achegarnos a riqueza da nosa mitoloxía local. Pero non estivo soa: o artista Leandro Lamas converteu a súa intervención nun espectáculo visual, debuxando en tempo real cada criatura e relato que Sole compartía con nós.

Foi unha lección maxistral sobre como a nosa cultura e as nosas lendas seguen vivas grazas á arte e á palabra. 

Grazas a Sole e a Leandro por facernos viaxar tanto sen saír da biblioteca!"

FALADOIROS NOS LAVADOIROS

 

"A nosa andaina polo patrimonio de Aguiño continúa, e desta volta fixemos unha parada cargada de emoción no lavadoiro de Pinisqueira. Se as pedras falasen, contarían historias de esforzo e comunidade, pero desta volta tivemos a sorte de que fose a propia historia a que nos falase en primeira persoa.

Tivemos o inmenso pracer de contar con Maruja e Carlota, dúas figuras clave para entender o noso pasado máis próximo.

• A memoria de Sálvora: Maruja abriunos o seu álbum de lembranzas para contarnos como era a vida na illa de Sálvora. A través das súas palabras, o noso alumnado puido imaxinar unha rutina diferente, marcada pola conexión directa co mar e a vida na illa.

• O relato de Aguiño: Carlota, coa súa experiencia como guía e o seu profundo coñecemento das pedras e lendas que nos rodean, actuou como mestra de cerimonias. Grazas a ela, descubrimos que cada rocha e cada recuncho de Aguiño agocha un relato que merece ser preservado.

Esta xornada dentro do noso proxecto Lavadoiros nos faladoiros serviu para entender que a biblioteca non se limita aos libros impresos: a nosa memoria viva, representada por Maruja e Carlota, é o libro máis valioso que podemos ler."

AS HISTORIAS VIAXEIRAS DE ANXO MOURE

A nosa biblioteca non é un lugar de silencio, é un lugar de aventuras! Hoxe, as nosas nenas e nenos de Infantil viviron unha xornada máxica ao recibir a visita dun dos nosos contadores favoritos: Anxo Moure.

Cando Anxo entra pola porta, a biblioteca convértese nun bosque, nun barco ou nun refuxio máxico. Coa súa palabra, a súa enerxía e esa capacidade única que ten para conectar cos máis pequenos, conseguiu que o alumnado de Infantil abrise ben os ollos e os corazóns.

Grazas, Anxo, por recordarnos que na biblioteca de Aguiño a maxia non ten límites de idade. Os nosos pequenos lectores xa están preguntando: 'Cando volve o contador de contos?'

RACHANDO CO GUIÓN!

Este venres, na biblioteca, asistimos á obra con monicreques "Rachando co guión", a cargo do grupo "A Xanela do Maxín". O alumnado foi o encargado de por voz e movemento aos monicreques que buscaban a igualdade.

ANXO MOURE COS PEQUENOS E PEQUENAS

 

Hoxe, 7 de maio, visitounos uns dos nosos grandes comunicadores, Anxo Moure.

Na Biblioteca os nenos e nenas da Comunidade de Pequenos disfrutaron dos seus relatos e montaron na súa biblioteca móbil. Pasáronno xenial  e esperan velo noutra ocasión.

O NOSO AGRADECEMENTO DE TODO CORAZÓN A TODA A COMUNIDADE EDUCATIVA DO CEIP HEROÍNAS DE SÁLVORA. BO VERÁN!

 O almanaque hoxe marcaba o inicio do verán e a celebración da FOLIADA de fin de curso na nosa escola. A ritmo de pandeiretas, cunchas...instrumentos dos que acariñan o corpo e alentan a alma, despedimos este ano cheo de páxinas de vida escritas con tinta de infancia e ollares soñadores. O noso inmenso agradecemento a todas as persoas que acompañaron ós nenos e ás nenas no seu día a día, no seu medrar e no seu sentir. O noso agradecemento a toda a COMUNIDADE EDUCATIVA DO CEIP HEROÍNAS DE SÁLVORA por construír unha escola habitada en Aguiño.

ROTEIROS: POR AGUIÑO E SAN ROQUE.

No marco do proxecto "Ruralité"a Comunidade de Pequenos e Pequenas fixo uns roteiros pola parroquia de Aguiño e polo parque periurbano de San Roque.

 

A NATUREZA

Temos que amar a campía
e non lle facer aldraxe.
Non encher de porquería
a beleza da paisaxe…!

O que ama a natureza
ten que respetarlle a vida.
Non hai meirande beleza
nin emoción tan cumprida.

A natureza é amiga
e dános o seu amor:
dende a gracia dunha espiga
ao río marmurador…!

A nutereza é un ben
é compañeira e irmán.
É pró home sempre ten
o seu corazón na man…!

(Manuel María)

OBRAS EPIDÉRMICAS: OBRAS ACARIÑADAS.

 

PUNTO HEROÍNAS COA PEGADA DO PROXECTO "TIÉBÉLÉ: MULLERES ESDRÚXULAS": TESSELAS E ATELIER CON ANGÉLICA DASS E COCO DÁVEZ.