BO NADAL E VENTUROSO 2023!

Despedimos o trimestre con doces de Nadal, música e a visita do apalpador. O 9 de xaneiro vémonos de novo!

                                                       

                                         

A BIBLIOTECA COMO ESPAZO EXPOSITIVO.

EXPOSICIÓN DOS PROXECTOS DA COMUNIDADE DE MAIORES.

E para rematar o trimestre, a biblioteca acolleu a exposición dos proxectos científicos realizados polo alumnado da comunidade de maiores.

   

🎄MAÑÁ CHEGA O APALPADOR!🎄

Mañá 23 de decembro chega o Apalpador á escola! Aquí podedes ver a nova da Editorial que nos informa deste acontecemento e ao autor da imaxe. 

https://heroinasdixital.com/2022/12/16/fin-do-primeiro-trimestre-o-apalpador-e-bo-nadal/#more-5529

A BIBLIOTECA COMO ESPAZO COEDUCATIVO: OBRADOIRO DE IGUALDADE.

OBRADOIRO "APRENDER IGUALDADE CREANDO". 

Ao longo do mes de decembro a comunidade de maiores participou neste obradoiro proposto polo Centro de Información ás Mulleres de Ribeira. A prevención das violencias machistas foi o tema central, que o alumnado traballou a partir de distintas dramatizacións grupais. 

A nosa escola recoñécese como unha escola feminista e queremos aprender, reaprender e observar o mundo que nos rodea con ese filtro violeta, tan necesario e xusto.

 

MENSAXE PARA O APALPADOR, PAPÁ NOEL E OS REIS MAGOS (III).

E, por último, a comunidade de maiores recomenda:

• Poesía e textos poéticos:

• Información:

• Narrativa:

MENSAXE PARA O APALPADOR, PAPÁ NOEL E OS REIS MAGOS (II).

Á comunidade de medianos/as tamén lle gustaría que tiverades en conta estes libros:

• Poesía e textos poéticos:

• Información:

• Narrativa:

MENSAXE PARA O APALPADOR, PAPÁ NOEL E OS REIS MAGOS (I).

Xa chegou o Nadal! Sabemos que tedes moito traballo así que enviamos unhas recomendacións de libros que nos gustaría que os nenos e nenas do Heroínas de Sálvora puidesen ler e desfrutar. Hai un pouco de todo: libros de poesía, información e narrativa. As mestras da comunidade de pequenos e pequenas suxiren:

• Poesía e textos poéticos:

           

• Información:

 

• Narrativa:

 

A BIBLIOTECA COMO ESPAZO DE ENCONTROS DE FAMILIAS. ESCOLA DE FAMILIAS CON JOAQUÍN CASTAÑO.

1º ENCONTRO DA ESCOLA DE FAMILIAS.

O pasado martes 13 de decembro tivo lugar o primeiro encontro da escola de familias, impulsada polo Departamento de Orientación da nosa escola. Ao longo de dúas horas, Joaquín Castaño, mestre de ioga na Escola Internacional de Ioga, falounos sobre autocoñecemento e autoestima. Grazas, familias, por achegarvos e compartir este tempo!

Deixamos máis información sobre Joaquín Castaño, por se é do voso interese:

https://www.escueladeyoga.com/avada_portfolio/joaquin-castano/#

CAL SERÁ A PALABRA DO ANO 2022?

O Portal das Palabras proponnos unha ano máis a votación para escoller a palabra do ano 2022. As candidatas son: 

• Autoestima.
• Candorca.
• Comadre.
• Ecocidico.
• Inflación.
• Resiliencia.

Podedes votar ata o 25 de decembro na páxina https://portaldaspalabras.gal/.

Aquí podedes ler por que se escolleron estas palabras:

https://portaldaspalabras.gal/escolle-a-palabra-do-ano-entre-estas-seis-finalistas/.

AGUIÑO DO FUTURO DENDE O NOSO PRESENTE TRANSFORMADOR. ESCRITOS PARA SER LIDOS E ESCOITADOS.

"Aguiño do futuro" é un proxecto da Comunidade de Medianos/as onde investigaron sobre posibles melloras para a nosa parroquia a través de distintos roteiros de observación, conversas...Deseñaron unha maqueta de Aguiño do futuro pensando no Medio Ambiente, na accesibilidade, na infancia... e preparon un argumentario para expoñer no Concello con distintas propostas que lles gustaría que se realizaran. Este argumentario é un traballo de aportacións colectivas.É un exemplo  de escrito para ser lido e escoitado, traducido en motivación e significatividade.

Recibiunos Manuel Ruíz, o noso Alcalde, e Nucha Brión ,Concelleira de Educación. Moitas grazas Manuel e Nucha por esta experiencia!

ESTREAMOS NOVO LOGO!

E coa nova biblioteca tamén chegou o novo logo, cun deseño de Sara Reiriz inspirado no logo da escola onde están as Heroínas de Sálvora, no mar e no voar dos libros.