DÍA DA POESÍA - DÍA DA AUGA - DÍA DE ROSALÍA

O venres o equipo de biblioteca, coa colaboración de todas as titorías e da mestra de música en especial, organizou diferentes actividades para celebrar conxuntamente:
-O DÍA DA POESÍA
-O DÍA DA AUGA
 -O DÍA DE ROSALÍA DE CASTRO.

 Estas son as actividades que deseñamos:

 -Cada titoría traballou unha ou varias poesías ás que lle deron forma de auga, e coas que despois fixemos unha exposición na biblioteca e no corredor:


-Proxectouse na biblioteca a película "A AUGA".

- Despois do recreo,  xuntamonos todos no ximnasio, onde todos os nenos e nenas (que viñeron vestidos de rapeiros) interpretaron un rap que prepararon e adaptou a mestra de música, do poema de Rosalía de Castro, Adiós ríos, adiós fontes.

- Algúns nenos e nenas recitaron algúns dos poemas que traballaron.

- E para rematar, fixose a entrega de agasallos a todos os nenos e nenas para agradecerlle a súa participación no bibloxogo: uns posavasos e uns marcapáxinas.

AUGA + MULLER

Estes son algúns dos vídeos que esta semana se van proxectar na biblioteca, e cós que se pode reflexionar do gran papel que desempeñan as mulleres, en distintas partes do mundo, no coidado e busca de auga.

O MUNDO EN FEMINININO, é un vídeo de "Manos Unidas", no que se fai un breve repaso sobre a situación da muller no mundo, e recolle diferentes iniciativas impulsadas por esta organización para cambiar esta realidade.



RAJASTÁN: ALMACENANDO CHOIVA.
En varios pequenos poblados de Rajastán (India), "Manos Unidas" financia a construción de corenta estanques para o almacenamento de auga de choiva. Persoas sen casta, en especial mulleres, benefícianse deste proxecto, que contribúe a mellorar o medio ambiente.


VIAXE A MALI


A VIAXE DE KAPARDI

CONTOS COEDUCATIVOS

 

(preme na imaxe)

(preme na imaxe)

Proposta de actividades
Máis actividades

(preme na imaxe)

(preme na imaxe)

LA MITAD DEL CIELO. 
Nicholas D. Kristof e Sheryl Wudunn. Editorial Duomo - Perímetro. 
Trátase de 14 testemuñas de mulleres de todo o mundo, das que a súa forza e traballo son chaves para o desenvolvemento económico.

 MEMORIAS DE UNA GALLINA. 
Concha López Narváez; il., Juan Ramón Alonso. Ed: Anaya, 1995   


VELLOS CONTOS, NOVOS FINAIS

8 DE MARZO: DÍA DA MULLER TRABALLADORA

No equipo de biblioteca fixemos una recompilación de recursos que atopamos na rede, elaborados por outros centros, institucións,... e cos que podemos traballar a coeducación nas aulas.

(preme na imaxe)

 WEBQUEST: Mulleres na historia de Galicia, do Ceip Milladoiro- Malpica

CAZA DO TESOURO (terceiro ciclo): Unha muller, un voto, do Ceip San Walabonso

CAZA DO TESOURO (segundo e terceiro ciclo): Zenobia Camprubí, unha muller traballadora.

WEBQUEST (educación infantil e primeiro ciclo): Rosa Caramelo

LIBRO LIM para educación infantil.

LIBRO LIM para o primerio ciclo.

LIBRO LIM para segundo e terceiro ciclo

VÍDEO: elaborado polo DO e o EDLG do CPI Uxío Novoneira, sobre a historia da muller galega ao longo do tempo, dende as mulleres druídas ata a actualidade. (preme na imaxe)

  

XOGO: Algunhas cousas para lembrar este 8 de marzo

ACTIVIDADE JCLIC (para primaria).

APRENDER A BUSCAR NA REDE

Este material foi elaborado por dúas profesoras responsables das bibliotecas escolares dos seus centros: Olga Rodríguez do CEIP Milladoiro de Malpica e Charo Sánchez-Gabriel do IES Sánchez Cantón de Pontevedra. É unha ferramenta moi interesante e de calidade para aprender a buscar na rece con eficiencia. Dende o Recanto de Honorata,agracedemos a difusión deste traballo, parabéns.

24 DE FEBREIRO: DÍA DE ROSALÍA

O 24 de febreiro está recollido oficialmente como día de Rosalía de Castro pola Consellería de Cultura e Educación.

Este ano cúmprense 150 anos da publicación da obra: 

CANTARES GALLEGOS.

De seguido tedes uns enlaces nos que podedes atopar información, xogar, escoitar,...

    - Fundación Rosalía de Castro (preme na imaxe).
    



-Real Academia Galega (preme na imaxe).


    - Asociación de Escritoras e Escritores en Lingua Galega (preme na imaxe).

   

    -Alborada de Rosalía de Castro en youtube.

- Actividade Lim, elaborada polo CEIP Alexandre Bóveda. (preme na imaxe para xogar).

- Recursos en verde sobre Rosalía.

-Rosalía en verde. Actividade Lim, elaborada polo CEIP Alexandre Bóveda. (preme na imaxe para xogar).

BENVIDOS/AS Á EXPOSICIÓN DE EXPERIMENTOS

Coa chegada do entroido, con alumnos e profes disfrazados de científicos e científicas, decidimos inaugurar a exposición de experimentos, organizada polo equipo de biblioteca, pero na que participou todo o centro, xa que cada titoría tiña a tarefa de preparar e traballar con un experimento para compartir co resto dos compañeiros e compañeiras, e co que puidesemos descubrir distintas propiedades da auga.


Como organizamos a inauguración?
Cada grupo tiña unha hora de comezo asignada e cando chegaban á exposición eran recibidos por unha científica que se encargaba de dirixir a visita. Para comenzar viamos unha presentación da presenza da auga en todo o mundo e nos seus diferentes estados, en segundo lugar facíamos unha visita guiada pola exposición e para rematar a científica proxectounos o seguinte vídeo do ciclo da auga.

Preme na porta e accederás á unha 
galería de imaxes da nosa exposición.

Estes son os experimentos que podedes facer:

• Remuíño nunha botella.
• A auga fría mestúrase coa quente?
• Sacar unha moeda sen mollarse.
• Medidas da auga.
• Burbullas asombrosas.
• Evaporación da auga.
• Disolución.
• A densidade da auga.
• Flota ou afunde?

RECÉN SAÍDOS DO FORNO ...

OS BIBLIOXOGOS DO ENTROIDO

PARA EDUCACIÓN INFANTIL

PARA O PRIMEIRO CICLO

PARA O SEGUNDO E TERCEIRO CICLO

Os + de RedeLibros do 2012

RedeLibros, é unha rede social galega, que cada ano fai unha selección dos máis destacados na opinión dos lectores. Trátase dunha selección xeral de libros de produción galega.

Así, despois dunha primeira fase na que se propuxeron os candidatos nas distintas categorías, os membros de RedeLibros votaron nunha segunda quenda para seleccionar os e as gañadoras nos diferentes apartados.

Os gañadores dos máis destacados do 2012 foron:

- Editorial galega: Contos Estraños Editora.

- Obra literaria en galego: Os abismos da noite eterna I. O morador da fenda, de Roberto A. Rodrigues.

- Libro infantil e xuvenil en galego: O mundo secreto de Basilius Hoffman. Un faro na escuridade, de Fernando M. Cimadevila.

- Obra non literaria en galego: Onde o mundo se chama Celso Emilio Ferreiro, de Ramón Nicolás.

- Banda deseñada en galego: Ardalén, de Miguelanxo Prado.

- Banda deseñada en castelán: El héroe 2, de David Rubín.

- Autor en galego: Agustín Fernández Paz.

- Autor en castelán: Miguel Otero Furelos.

- Ilustrador: Iván Valladares.

- Tradutor: Tomás González Ahola.

- Libro mellor editado: Abecedario das mantenzas, de Fausto Galdo (Xerais).

- Mellor proxecto ou evento cultural: Contos Estraños.

- Libraría: Cartabón (Vigo).

- Blog: Criticalia, de Armando Requeixo.

- Crítico máis destacado: Armando Requeixo.

PARABÉNS PARA FINA CASALDERREY

UNHA ESCRITORA DE L.I.X. NA ACADEMIA

A RAG (Real Academia Galega) acaba de elixir a Fina Casalderrey como académica numeraria. 

Con Fina entra na Academia unha muller (por méritos propios) pero tamén a literatura infantil e xuvenil. Diso vai tratar o seu discurso de entrada,  escoitaremos esas palabras que tratan desta literatura non sempre asumida como LITERATURA (con maiúsculas).

Realmente estamos de noraboa, pois sentímonos moi ben representadas por esta muller que entre outros conta con Premio Nacional de Literatura Infantil e Xuvenil. Unha muller que ademais é mestra (¿acaso se deixa de ser por non ir xa á escola?) e, polo tanto, mediadora do libro. Unha académica de luxo!