ECOLINGÜISMO: "RECEITAS PARA ACARIÑAR A LINGUA". LIBROS DE RECEITAS EN GALEGO NO AMBIENTE DE COCIÑA.

No ambiente de cociña, onde se fan ricas receitas podemos atopar libros de cociña en galego. Receitas para "acariñar a lingua".

 Algunhas das adquisición deste curso son os seguintes:

 

 

NOVO ESPAZO NA BIBLIOTECA: HOMENAXE Á INFANCIA E ÁS FAMILIAS.

    Cando deseñamos un espazo na escola, non o deixamos en mans do azar, hai moitos bosquexos e ideas compartidas. Son espazos dentro dos ambientes pensados e reflexionados en base ás necesidades auténticas do alumnado, da comunidade educativa, ... isto aderezado con distintas conexións culturais que poidan existir, buscando sempre un mimo estético e de harmonía no conxunto do mesmo.

     Este é o caso dun novo espazo da  biblioteca central "Heroínas de Sálvora" da nosa escola. Quixemos proxectar un lugar que fora unha homenaxe tándem á infancia e as familias, onde poidan estar  presentes diversas linguaxes fusionadas evocando a Loris Malaguzzi. 

    Este espazo está pensado para que sexa  adaptable para toda a comunidade educativa, sendo as familias o noso centro de atención principal á hora de elixir o tamaño do mobililario, posto que desexamos poder ofrecer  un punto de encontro con elas,  onde a comodidade sexa unha aliadada do benestar para as charlas, lecturas compartidas,escola de familias, reunións de comisións de traballo...

 

    Na súa fundamentación máis romántica, familias e nenos/as danse a man a través da biografía de Paul Klee, artista elixido para o estampado central do sillón, posto que este autor elaboraba monicreques con todo tipo de materiais de reciclaxe e de desfeito para o seu fillo . Contáballe infinidade de contos e inventaban relatos conxuntamente.

     A todo isto súmase a súa ideoniedade para celebrar os clubes de lectura e os encontros cos/as escritores/as e ilustradores/as dos libros lidos, posto que os/as participantes son o alumnado da Comunidade de Maiores. Non esquenzamos que o autocolante e cartel do seu clube  de lectura "Medio Pan" ten unha ilustración de Kvêta Pacovská onde os aparecen tamén monicreques.

NOVOS LIBROS DE POESÍA NA BIBLIOTECA.

 As novidades que van chegando á biblioteca convírtense en recomendacións para toda a Comunidade Educativa expoñéndose no seu espazo correspondente. Nesta ocasión trátase dos novos libros de poesía. Poemas que xogan coas palabras convertíndoas en musicalidade e sentimentos compartidos.

- Macedonia de versos de Concha Blanco e Lidia Nokonoko.

- Pompas de cores de Miguel Anxo Romero e Leandro Lamas.

- O maio de Manuel Curros Enríquez e Blanca Millán.

-Versos de calendario de Juan Carlos Martín Ramos e Teresa Novoa.

-Bicos e non balas de Antonio García Teijeiro e Bea Gregores.

- A princesa de Taramundi de Xoan Babarro González e

- Poemas para niños chicos de Federico García Lorca e Elena Hormiga.

NOVIDADES DO MES DE XANEIRO.

O expositor e a caixa de novidades volven estar ateigados de novos libros. Aquí vos deixamos algúns! Podemos observar, como algúns están vinculados co proxecto de innovación deste curso, estando elementos da natureza presentes.

A BIBLIOTECA COMO ESPAZO DE NOVIDADES E RECOMENDACIÓNS.

👀NOVIDADES!

Xa temos na biblioteca a historia en cómic de como unha miñoca se fixo amiga dun coello e tamén dunha pega a pesar de non faceren moi boas migas ao principio... Podedes atopalos na zona de novidades da biblioteca, xusto á entrada.