mércores, 17 de decembro de 2014

Casi podemos tocar o Nadal coas puntas dos dedos!!!!

E o equipo de biblioteca queremos rematar o ano desexándovos que gocedes e que non vos esquenzades de ter un libro ben preto!!!!

Aquí vos deixamos unha pequena selección de libros para todas as idades, agardamos que sexa do voso agrado.





luns, 1 de decembro de 2014

MOITAS GRAZAS LEDICIA COSTAS!!!!!

E por fin chegou o día!!!!
Hoxe pola mañá visitounos Ledicia Costas para falar un rato cos nosos lectores, agardamos que Ledicia o pasase moi ben, porque dende logo aos nenos e nenas gustoulle moito a visita e que lles asinase os seus libros.
Dende o Recanto de Honorata agradecemos a visita de Ledicia e aquí vos deixamos unas imaxes do momento.






 


E por suposto Ledicia asinou no noso libro de visitas, que pouco a pouco vaise enchedo!!!!



De novo MOITAS GRAZAS!!!! pola VISITA!!!!!

sábado, 29 de novembro de 2014

QUE BEN O PASAN!!!

Aquí vos deixamos unhas imaxes da última sesión do clube de lectura. Polas súas caras parece que lles gustou o libro e a tertulia acompañada de saborosos doces!!!! 


 
 
 

 
Agora soamente queda agardar a que nos visite Ledicia Costas, a autora de Escarlatina a cociñeira defunta publicado por Xerais, e que é o libro escollido para o primeiro clube de lectura do curso.


NON NOS DA CHEGADO O DÍA!!!!!!!!!!!!!

INTALACIÓNS

Ao longo desta semana os corredores e os exteriores do centro convertíronse nunha INSTALACIÓN ARTÍSTICA, que é un xénero de arte contemporánea, na que os artistas normalmente empregan directamente o espazo de exposición e a miúdo o espectador pode interactuar e transitar pola obra.
O motivo deste traballo, que xurdiu do equipo de dinamización da lingua galega e no que participou todo o alumnado do centro, é facer visible e sensibilizarnos sobre a violencia de xénero.
Animávosvos a que pasedes polo centro a visitar a nosa instalación, pero para os que non o poidades facer, aquí vos deixamos algunhas imaxes, de todo o que podedes atopar:

-Exposición de panos de bágoas de desigualdade baseados na obra de Milo Lockett.

-Mulleres con nome propio.

-Exposición de obras de arte de distintos artistas onde aparecen mulleres chorando.

-Panel de reflexión: Que poden significar os panos?

-Obras elaboradas a partir da reflexión de: que hai debaixo do sombreiro dunha persoa que maltrata? Inspiración na obra de Karel Appel “nenos/as preguntando”.


        














 




 



 E o mércores para commemorar o día, xuntámonos todos no patio co noso pano na man, para cantar a canción composta por Daniel, o mestre de música e logo cada neno colocou o seu pano no lugar que quixo.

TOMA O MEU PANO

Sénteste sola e asustada
Ninguén neste mundo comprende o que te pasa
Non es, non es culpable
Pídeme axuda que te botarei un cable

TOMA, TOMA O MEU PANO

NINGUÉN EN NINGURES TE VOLVERÁ
 FACER DANO
Aquí a podedes escoitar:






luns, 24 de novembro de 2014

25 DE NOVEMBRO: DÍA INTERNACIONAL DA ELIMINACIÓN DA VIOLENCIA CONTRA A MULLER.

Neste enlace podedes acceder á páxina das Nacións Unidas e coñecer un pouco máis sobre esta data, ademáis podedes ver un pequeno vídeo no que que a palabra clave é o COMPROMISO DE TODOS NÓS para cambiar o actual guión.
Día Internacional de la Eliminación de la Violencia contra la Mujer - 25 de noviembre


venres, 21 de novembro de 2014

3,2,1... XA ESTÁN EN MARCHA!!!

Outro ano máis as mochilas viaxeiras comenzan o seu percorrido por tódolos fogares dos nenos e nenas do centro. 
Como sempre van cargadas de lecturas para grandes e pequenos: música, xogos, manualidades, libros de información, contos,... e tamén atoparedes o caderno de apuntamentos para que anotedes suxestións de mellora, se vós gustou, se o tempo foi suficiente,... Todas estas suxestións sírvennos ao equipo de biblioteca para elaborar as seguintes mochilas, así que agradecemos a vosa colaboración.



Lembrade respectar a data de entrega para que o préstamo se poida desenvolver axeitadamente.  E agardamos que a presenza da mochila viaxeira na vosa casa sexa do voso agrado e permita que todos e todas gocedes co seu contido, que é unha pequena mostra de todo o que podedes atopar na biblioteca.

xoves, 20 de novembro de 2014

20 de NOVEMBRO: DÍA INTERNACIONAL DOS DEREITOS DOS NENOS



Na páxina de UNICEF, poderás atopar máis información relacionada con este día.

Algunhas películas relacionadas coa infancia son:
-A lingua das bolboretas.
-Oliver Twist.

A editorial Kalandraka ven de anunciar a próxima publicación do libro "A CIDADE DOS NENOS" de Francesco Tonucci. Traducido ao galego por Mónica Baleirón, Sonia Santos e Rut Vázquez, Limiar do pedagogo Antón Costa e introducción do alcalde de Pontevedra Miguel Anxo Fernández Lores.
... son moitas as urbes europeas e latinoamericanas que xa se sumaron ao novo xeito de pensar a cidade proposto por Tonucci, entre elas, Pontevedra. Porque unha cidade á medida da infancia redunda nunha maior calidade de vida para todos. 

venres, 14 de novembro de 2014

HISTORIA DAS MATEMÁTICAS

Máis recursos sobre matemáticas:



Actividade Lim elaborada polo profesorado do CEIP de Rebordáns.





mércores, 12 de novembro de 2014

RECURSOS TEATRO

No Recanto de Mik, da biblioteca Mestres Golgar, teñen unha recompilación de obras de teatro que foron facendo en diferentes cursos, e que agora nos poden servir de fonte de inspiración neste curso no que o teatro vai a formar parte do noso centro.


Preme na imaxe para acceder aos recursos.

O PAPEL DAS MATEMÁTICAS NO MUNDO

Neste vídeo, da man do Pato Donald , podemos comprobar que as matemáticas están presentes onde menos o agardamos.

sábado, 8 de novembro de 2014

NOVEMBRO: MES DA CIENCIA EN GALEGO NAS BIBLIOTECAS


Dende o Recanto de Honorata queremos compartir con todos vós o manifesto escrito polo científico galego Ángel Carracedo con motivo da celebración do Mes da Ciencia, que tamén conmemora a Rede de Bibliotecas de Galicia.