DESPEDIDA DO CLUBE DE VOLUNTARIADO LECTOR "AMORAS"

 Este curso vai chegando ao seu fín. Hoxe dende a Comunidade de Pequenos/as, despedimos ao clube "Amoras" moi agradecidos/as por todas as lecturas compartidas durante este ano.

 

 

 

PUNTOS HEROÍNAS: ANTIPRINCESAS E PERSONAXES DA LITERATURA. AMBIENTE DE PALABRAS E VERSOS.

No Punto Heroínas dos ambientes de Identidade Lingüística: Palabras e Versos atopamos ANTIPRINCESAS. Por unha banda libros de princesas que non entran nos patróns das princesas sumisas ás que estamos acostumados/as e por outra, personaxes femininas da literatura: Pipi,Mafalda...sendo referentes de nenas que trazan os seus propios sendeiros sen normas sexistas preestablecidas.

 

 

O ESCRITORIO DE MALALA NO AMBIENTE DE PALABRAS: UN ESPAZO PARA CREAR E REINVINDICAR.

No ambiente de Palabras (Identidade Lingüística na Comunidade de Pequenos/as) atópase o escritorio de Malala. Un espazo adicado ó dereito das  nenas á educación, xa que somos coñecedores/as de como moitas rapazas no mundo están privadas deste dereito fundamental polo feito de nacer NENAS.

 

ESCOLA ABERTA: INTRES LECTORES EN FAMILIA.

 Cando nos visitan as familias colaboradoras, danse intres  espontáneos máxicos de lectura entre nenos/as e adultos/as. Son instantes de vinculacións moi umbilicais.

 

VISITANDO A EXPOSICIÓN DE ARTE POSTAL "POLO CORREO DO VENTO".

 

CLUBE DE VOLUNTARIADO "AMORA". SEGUIMOS CONTADO E SENTINDO OS CONTIÑOS DA COMUNIDADE DE MEDIANOS/AS

 

"VOLVERÁS, GOLFIÑO". REMATAMOS O LIBRO DE ANDREA MACEIRAS. PECHAMOS O CLUBE DE LECTURA "MEDIO PAN" ESTE CURSO.

 "Volverás, Golfiño",foi un libro que encheu a biblioteca de misterios con sabor a salitre inspirados en historias reais da nosa costa.Puidemos sentir a resonancia do son dun faro, como ecos na néboa, alumeaban as páxinas e nos invitaban a ser naufragos/as das letras.

Como despedida do clube de lectura "Medio Pan", fixemos unha xoia-amuleto que ven podería levalo Iris nesta obra da escritora galega, Andrea Maceiras. A rosa do vento marca rumbos de lendas que aniñan xa no noso imaxinario. A rosa do vento e a canción tradicional "Alumea" interpretada por Sonia Lebedynski, acompañaranos nas bibliotecas persoais que pouco a pouco van habitando as nosas vidas.

ALUMEA

 ALUMEAME ALUMEA

ESTRELIÑA DA FORTUNA

ALUMEAME ALUMEA

MENTRAS QUE NON SAIA A LÚA.

ALUMEAME ALUMEA
ESTRELIÑA DA FORTUNA
ALUMEAME ALUMEA
MENTRAS QUE NON SAIA A LÚA.

O CANTAR DO ARRIEIRO
É UN CANTAR MOI BAIXIÑO
CANDO CANTA EN RIBADAVIA
RESOA NO CARBALLIÑO.

POR TI AGARDO NO TORREIRO
IMOS XUNTOS EMBARCARE
VOU CONTIGO MARIÑEIRO
BOTEI AO VENTO UN CANTARE.
VOU CONTIGO MARIÑEIRO
TRAVESÍA DOS CEN MARES

 
Letra: Tradicional / Sonia Lebedynski

MAIO DAS LETRAS GALEGAS AMARELAS, MAIO DE PAMPILLOS: MARGARIDA LEDO ANDIÓN E PILAR PALLARÉS.

 

 E con esta entrada rematamos  o MAIO DAS LETRAS GALEGAS AMARELAS. Sobres amarelos, remitentes poetisas amarelas, arte postal con caligramas amarelo, escritoras amarelas na obra de Fernando Fernández del Riego, obra fotográfica de Sabela Eiriz para por na biblioteca...flores amarelas nos camiños da infancia. Súmase unha obra da artista galega María Antonia Dans dunha nena con flores amarelas.

 MARGARIDA LEDO ANDIÓN.

 

 “Facer cinema é intervir, ocupar o espazo público sen pedir permiso, darlle rostro ao velado”.

 “Canto á mirada feminista, un dos aspectos que me conmove é a creación dun ligame entre visión e tacto (…) É unha mirada que libera de tipos e estereotipos”.

 

 PILAR PALLARÉS.

 

Luz de setembro, 

sempre nun ritornello adolescente 

(novo do trinque o mundo 

nun planeta vello ). 

Luz baixo as perfebas de novembro, 

Ofelia adormecida na ribeira. 

Lagoa de cristal no ceu de Advento. 

Luz silenciosa 

pulando da raíz até os paxaros, 

inventando o verdor, 

criando marzo 

nas entrañas do tempo. 

Luz pura do verán: 

país da infancia.

MUSEO DOS CONTOS NA BIBLIOTECA.

 

Na biblioteca poderedes atopar este pequeno museo dos contos cun reto: seredes quen de relacionar a portada dun libro cun destes obxectos? Os obxectos e os libros foron seleccionados polo alumnado da comunidade de medianos/as, xa que son os seus libros favoritos, os libros que saborean, disfrutan, recomendan e len e relen. Anímaste a probar? Para comprobar se acertaches pide o solucionario no mostrador da biblioteca :-)